Ek Zamaane mein mere yaar

Ek zamaane mein Jab gaadi nahi thi,

Tab hum cycle se jaaya karte the

Us zamaane mein hum, 

email ke bajaaye chitthiyaan likha karte the

Jab hum "How do you do" ke bajaaye

"Kya haal hain janaab" poocha karte the

Aur Brb ke bajaaye

Fir Milte hain kaha karte the

Tab hum jab phudine wali chai piya karte the

fir saath biscut bhi liya karte the

Aaj hum coffee peene jaate hain

Aur non-fat Latte farmaate hain

Jab raat ko bhojan mein hum roti aur saag khate the

Fir us baad ek gilaas lassi bhi liya karte the

Aaj koi sehat ka thikaana toh nahi khair

Fir bhi hum Subway jaakar sandwich khaya karte hain

Ek zamaane mein jab daftar ke baad

Ek dost se milne jaaya karte the

Aaj outlook ke calendar pe meeting request bhejkar bhi

Meeting ke liye kabhi late hua karte hain

Jab telegram dwara, Pranam Ma Babuji likha karte the

Aaj phone pe, whatsup mom dad chillayaa karte hain

Ek zamaane mein, jab vaqt ki raftaar ko hum 

Apne kadmo tale roka karte the

Aaj woh zaalim ghadi cell phone tak pohoch gayi hain

Aaj woh saare din computer screen pe

Tick tick kar, bheje mein ek makdi ki tarah

Aakhon se woh dil mein utar gayi hai

Dil ki dhadkan tej ho jaati

Jab "Oh No, its time for a meeting"

kehne ki naubat aati hai

Yaar yeh kaisa zamaana hain 

Naa lete hain saansein, naa hai kahin pyaar

Sukoon se zindagi jiya karte the hum 

Bahot pehle, ek zamaane mein mere yaar