Arz hai....

 

Huzoor ne daad naa di toh kya

Fir bhi arz hai...

Aap ko lubhaana

Toh aaj kal humaara farz hai...

 

Toh Aap par Arz hai.....

 

Roz roz yun elevator mein aya na karo

Fir paanchve maale pe yun darwaaze se bahar jaaya na karo

Aap ko roz dekhna ek aisa karz hai

Ki Arz hai....

 

Is duniya ki khoobsurati pe chaar chaand lag jaayenge

Kabhi ruk gaye aap ek floor aur

Naa ruke toh bhi kya

Fir se chale jaane ke liye aaya karo

Ki is dil ke register mein woh floor number yun darj hai

Ki Arz hai....

 

Aapke office ke floor pe joh kitchen hai

Wahan roz roz aakar ek hi aarzoo karte hain hum

Aap kahin mil jaaye kabhi

Naa mile fir bhi, kya harj hai

Toh bus yuhin Arz hai....

 

Aap ko bhulana aaj kal raaton ko

Ho raha hai thoda sa mushkil zaroor

Kabhi mudkar sapne mein toh dekhiye is taraf

Bas ho na jaayiye is tarah magroor

Aap ko sochna toh ab humara farz hai

Toh bas yuhin keh diya humne.....

Aadab Arz hai....